HITTU

Nýtt logo
Við höfum fengið nýtt logo. Það er hannað af
Elvu Ýr Kristjánsdóttur.nemanda í grafískri hönnun. Merkið er lýsandi fyrir starfsemi fyrirtækisins. Paintball og lasertag, skemmtun fyrir bæði kyn.

Pressan komin (4.sept. 2008)
Loksins, loksins. Pressan til að fylla á þrýstiloftskútana loksins komin í gagnið. Fyrsti hópurinn prófaði nýja búnaðinn í gær við mikinn fögnuð. Það var galvaskur hópur í tengslum við Olís á Dalvík. Hreint út sagt var frábær stemming í hópnum.

19. júlí 2008
Nýju merkjararnir á leiðinni.
15 Tippmann Custom ACT merkjarar eru rétt ókomnir til landsins. Verða tollafgreiddir strax eftir helgina og komnir í notkun fyrir næstu helgi. Án efa verða margir ánægðir með þessa frétt því mikið hefur verið spurt um þetta.

21.05.08 Búnaðurinn kominn í hús
Þá er nýi búnaðurinn loksins kominn í hús. 20 Scorpions (handsprengjur) skotmörk og nýjir sjónaukar á 10 byssur. Sprengjurnar taka 3 líf í hvert skipti sem þeim er kastað.

31. apríl 2008 Nýr búnaður
Nú í vikunni var gengið frá pöntun á aukabúnaði í laser tag. Keyptir verða riffilsjónaukar á byssurnar í stað þeirra sem fyrir eru. Þessu til viðbótar fáum við 2 skotmörk til að menn geti æft sig að miða. Rúsinan í pysluendanum eru svokallaðir Scorpions en það eru handsprengjur sem hægt er að nota aftur og aftur. Spilarinn kippir í spotta, telur upp að þremur og kastar síðan í átt að skotmarkinu. Sprengjan springur þegar hún lendir og hefur áhrif á allt í 10m radíus. Spilarinn getur síðan einfaldlega tekið hana upp aftur og kippt í spottann aftur og þá er hún tilbúin til notkunnar á ný. Enginn vandi er að finna gripinn aftur þar sem hún sendir frá sér væl og ljósglampa. Vonir standa til að búnaðurinn verði tilbúinn til notkunnar um 10.maí.